Bazter magiko eta ezkutu honetan erriberako arotzek balio etnografiko eta historiko handiko itsasontziak zaharberritu eta eraikitzen dituzte. Albaola Faktoriak euskaldunek Mundu Berrian izandako itsas abenturak ekartzen ditu gogora, bale arrantzaleen eta euren ontzien istorioen bitartez. Horregatik, museo bat baino gehiago, faktoria hau leku ireki eta irudimenezkoa dugu, non prozesu dinamiko baten bitartez euskal itsas historia ezagutu ahal izango dugun bertako ontzirik ezagunenetarikoaren errepikaren ageriko eraikuntza bisitatuz: XVI. mendeko San Juan baleontzia.

San Juan baleontzia XVI. mendeko euskal ontzigintzak zuen garrantziaren adierazgarri zuzena da eta bere erreplikaren eraikuntza burutzeko, ekipamendu kulturalek zein ondasuna, historia, ontzigintza, hezkuntza eta ingurumenarekin lotura duten agente sozialek elkarlanerako sare bat osatu dute. Gainera, egitasmo hau Donostia 2016ko Europako Kultur Hiriburuaren baitan dagoen proiekturik berezienetarikoa da.

Baleontziaren eraikuntza prozesua bertako Euskal Itsas Faktorian bisitatu daiteke. Dinamikoa da eta eraikuntza faseen konpasarekin batera eboluzio ikaragarria jasango du denborak aurrera egin ahala, estrukturaren piezak elkarretaratzen joango direlako zurezko estalpe handi baten baitan.

Albaolako bisita turistikoaren esperientziaren osagarria Pasaiako badian nabigatzea da, museora itsasotik iristeko aukera baitago "Hospitalillo Kaian" kokaturiko itsas motora zerbitzuari esker. Trintxerpeko aparkalekuan aparkatu eta bertako kaitik abiatuko den ontzi berdean enbarkatu.

Ordutegia:

• Aste Santutik irailera arte 10:00etatik 14:00etara eta 15:00etatik 19:00etara.
• Urritik Aste Santura arte 10:00etatik 14:00etara eta 15:00etatik 18:00etara.

Itxita: Urtarrilaren 1ean eta abenduaren 24, 25 eta 31n.

Informazio gehiago: www.albaola.com