Ongi etorri Mugiklubera, Mugi txartelaren erabiltzaileen komunitate sozial esklusibora. Garraio publikoaz harago, Mugiklubeko kide izate hutsagatik gure zozketetan parte hartzeko aukera izango duzu, kulturaz, turismoaz eta kirolaz Mugiren eskutik gozatzeko.

Ongi etorria emateko, hiru sari eskaintzen dizkizugu: belaontzian bidaia bi lagunentzat, La Perla Talasoterapia bisitatzeko aukera eta, azkenik, bi lagunentzako afaria Gipuzkoako sagardotegi batean. Ez galdu aukera! Hiru zozketetan parte hartu dezakezu!

• Belaontzian bidaia
• La Perla Talasoterapia Zentroa
• Sagardotegian afaria
• Oinarriak

• Belaontzian bidaia bi lagunentzat

  Goza ezazu euskal kostaldeak eskaintzen dituen aparteko lekuez, Txingudiko Badiaren inguruan nabigatuz.. Esperientzia honek ikuspegi ederrak eskaintzen dizkizu; askotan, paisaia gehienak itsasotik bertatik gozatzea izaten baita onena. 12 metroko belaontzian 4 orduz bidaiatuko duzu Txingudiko Badiaren inguruan, Hondarribian, euskal kostaldeko toki erakargarrienak ikusiz..

  Ezagutu belaontziaren mundua bertatik; patroi eta tripulazioko parte izango zara, belaontzia gidatuz eta taldeko lanerako ekintzak eta itsasoarekiko maitasuna landuz. Mugiri esker lortuko duzu!

  Esperientzia hau Hondarribiako portutik abiatuko da. Irteera ordua: 10:00.

  Begirale batek bela nabigazioari buruzko oinarri teoriko eta praktiko nagusiak erakutsiko dizkizu, zeu izan zaitezen ordu batzuez belaontziko patroia.

  • Sariaren barne: 4 orduko nabigazio saioa, 12 metro luzeko belaontzi batean, Txingudiko badian, Hondarribia inguruan. Azalpen teorikoak eta praktikoak bela nabigazioari buruz, pilotatzeari buruz, itsas inguruneari buruz...
  • Iraupena: 4 ordu.
  • Nabarmentzekoak: Belaren sekretuak barnetik ezagutzea, belaontzian bertan, 4 orduz patroi eta tripulatzaile gisa jardunez. Eta euskal kostaldeko paraje ederrenetako batean, gainera: Txingudiko badian.
  • Noiz egin daiteke?: Urtarriletik ekainera eta urritik abendura, astelehenetik ostiralera.
  • Hizkuntzak: Euskara, Gaztelania, Ingelesa, Frantsesa.
  

• Bi sarrera Donostiako La Perla Talasoterapia zentrorako

  Kontxako badiaren inguru zoragarrian kokatuta dago La Perla Talaso-Sport Zentroa. Bertan, itsasoak dakartzan onurak eta sasoian jartzeko programak bateratzen dira.

  Mugik, beraz, Europa osoko talasoterapia-zentrorik onenera eramango zaitu; itsasoaren uraz baliatzen den eta erlaxazio-terapia eta suspertze fisikorako programarik onenak eskaintzen dituen toki ederrera. Bertan, teknologiarik aurreratuena topatuko duzu programa guztietan: fisikoak, kirolarekin lotutakoak, terapeutikoak, erlaxazioa eta estresaren kontrakoak... 5.500 m2 baino gehiago familia osoarekin gozatzeko eta, Mugiri esker, osasuna, ongizatea eta bizi-kalitatea hobetzeko.

  Sasoian jartzeko talaso-zirkuituan eskura dituzu:

  • Hidroterapia-igerilekua
  • Erlaxatzeko igerilekua
  • Jacuzzi panoramikoa
  • Igerileku aktiboa
  • Sentsazioen labirintoa
  • Uretako oheak
  • Itsasoko lurrun-bainua
  • Izotz-iturria
  • Sauna lehorra
  • Erlaxatzeko gela
  • Igerileku hotza itsasoko urarekin
  • Dutxa hotzak itsasoko urarekin – Atsedenerako gunea

  Instalazioetatik hondartza ikus daiteke, eta bertara jaisteko aukera ere badago.

  

• Bi lagunentzako afaria Gipuzkoako sagardotegi batean

  Txuleta gustatzen zaizu? Probatu al duzu aurtengo sagardoa? Txotx denboraldia bukatu bada ere, ez itxaron gehiago eta hartu parte zozketan. Gipuzkoako sagardotegi batean bi lagunentzako afaria irabazteko aukera izango duzu eta txotx eginez, sagardoa kupeletik edan, gozatu eta, noski, sagardotegietako menu tradizionala dastatuko duzu.

  Sagardotegien inguruko informazioa nahi baduzu, jo ezazu Gipuzkoako Sagardotegi Elkartearen webgunera hemen klik eginez.

  

• Sariak

  • Belaontzian bidaia bi lagunentzat
  • Bi sarrera Donostiako La Perla Talasoterapia zentrorako
  • Bi lagunentzako afaria Gipuzkoako sagardotegi batean

  Zozketetan parte hartzeko epea

  Zozketa martxan egongo da 2016ko maiatzaren 23tik uztailaren 7ra. Parte hartzaile guztien artean zozketak egingo dira Sorteados erabiliz 2016ko uztailaren 8an.

  Parte hartzeko mekanismoa

  Parte hartzeko ezinbestekoa izango da Mugi txartelaren titularra izatea eta webgunean erregistratuta egotea. Pertsonako parte hartze bakarra onartuko da zozketa bakoitzean. Parte hartzaile bakoitzak sari bakarra jaso dezake.

  Parte hartzaile guztien artean egingo da zozketa eta irabazle bat eta hiru ordezko izendatuko dira zozketa bakoitzeko.

  Zozketaren ostean, irabazlearekin 15 eguneko epean jarriko gara harremanetan. Harremanetan jarri ezin bagara, sariari uko egiten badio edota harremanetan jarri ondorengo 15 egunetan erantzuten ez badu, lehenengo ordezkoarekin jarriko gara harremanetan.

  Sariaren erabilgarritasuna

  Saria zehatz-mehatz eman ezin den kasuetan, balio bereko edo handiagoko beste sari bat emango da. Ezingo da inolaz ere saria esku-diruagatik trukatu.

  Oinarriak onartzea

  Zozketan parte hartze hutsak zuzenean baldintzak eta lege-oinarriak onartzea dakar.